Walter Bistro (智選假日酒店) (已結業)

今日朋友生日在觀塘找了間身邊不少人講不錯的餐廳，沒想到價錢那麼便宜仲有那麼多食物選擇，入到去中間有任食部份已都不少，坐下後等了一陣待應就來到。這裡的晚餐每人可包半隻龍蝦或香煎鵝肝，我和朋友就每款各一，龍蝦好鮮甜又爽口，鵝肝油香好重，下面的包吸晒油份好味的前菜，每人仲有一個燉湯都好驚喜，味濃又清甜。到主菜由六款選擇一款，我就要了烤肉眼扒配薯條和蔬菜，肉眼煎得好靚，五成熟剛好夠軟熟，朋友要了西班牙黑毛豬扒薯蓉，豬肉口感好而且有豬肉的香，薯蓉好滑又香，仲有餐飲要了橙汁。 出面仲有重大驚喜，就是這裡有即開生蠔，今日的是法國蠔，不是很大隻，但即開關係好鮮甜，仲十分新鮮。頭盤長腳蟹，花蟹，螺，蝦，質素都不錯，我地拿了不少來吃。沙律都有好幾款，刺身有四款都鮮甜，壽司款式都夠食細細粒十分適合拿多幾款。熱食都有幾款，其實食完主菜都好飽，所以拿了少許已足夠。飲完燉湯原來出面仲有中西湯，味濃又香，我們都各自再飲了一碗。甜品方面十多款，每款都不錯，甜度可以，仲有任食雪糕和中式糖水。