三川居酒屋 (已結業)

同大學同學好耐冇見，約左好耐終於約到見面，想食得特別啲，就揀左間有氣氛嘅日式居酒屋。餐廳嘅裝修幾有特色，我地三個人坐卡位，上面有稻草蓬，好特別。牛油果三文魚野菜沙律 $88因為我同朋友都好鐘意食牛油果，所以叫左牛油果沙律。沙律好新鮮，有少少醋幾開胃，三文魚擺得幾靚，加埋都可以一人食到兩件。泡菜豚肉鍋 $118泡菜份量同豚肉都幾多件。入面有少少粉絲，浸得耐吸哂啲味所以好食。(上) 火之夢壽司山 $148(下) 鰻魚牛油果加州卷 $98火之夢壽司山睇個名好似好特別，所以叫左一份嚟食。一份有6件，上面有滿滿嘅三文魚子，好足料。不過我個人鐘意鰻魚牛油果卷。上面有一大塊鰻魚，牛油果都幾甜，建議一啖食成件。餐廳都幾貼心，出面有得鎖遮，就唔怕比人攞左。