影片
更多
2023-04-16
305 浏览
有靈魂的cafe直話直說，非試食，非業配🫶🏻@heartinplace 一直以唐樓樓上鋪，只招待一人預約既形象，喺銅鑼灣提供一個鬧市中清靜嘅地方，俾一班需要獨處空間嘅朋友們，有個喘息嘅空間。如今搖身一變，喺西營盤嘅地舖，建立起一個鬧市中，既可以獨處，又可以帶所愛嘅人過嚟，一齊分享溫馨時光嘅地方。😊新地舖地方唔算好大，座位唔算好多，但係間隔感同空間感都好充分，枱與枱之間保存住一定嘅社交距離😌，每個人都有自己嘅私人空間。鋪後面有個小露台，擺放咗好多植物，唔想比四幅石屎牆包圍嘅，小露台係個唔錯嘅叉電地方😊。餐牌上面多咗好多選擇(但其實都唔係多😅但太多選擇有陣時都唔係一件好事，less is more)，但依然保留住，最出色嘅比利時窩夫🥰原味永遠係最好㗎！佢係一種好特別嘅味道，食過一定返唔到轉頭！大家可以親身去試吓😊今次仲遇上特別版咖啡味，窩夫入邊唔算好重咖啡味，窩夫依然係主角，兩者互補又唔衝突😊餐蛋麵，係我堅持要叫既，仲使佢同Cafe格格不入。唔知點解，喺度叫餐蛋麵，就係會有一種，屋企人煮俾你食嘅感覺。🥰一隻燶邊雞蛋，兩件厚煎午餐肉，食得出店主帶住專心去煮呢碗麵😊(但又有機會係我filter
直話直說，非試食，非業配🫶🏻
@heartinplace 一直以唐樓樓上鋪，只招待一人預約既形象，喺銅鑼灣提供一個鬧市中清靜嘅地方，俾一班需要獨處空間嘅朋友們，有個喘息嘅空間。
如今搖身一變，喺西營盤嘅地舖，建立起一個鬧市中，既可以獨處，又可以帶所愛嘅人過嚟，一齊分享溫馨時光嘅地方。😊
新地舖地方唔算好大，座位唔算好多，但係間隔感同空間感都好充分，枱與枱之間保存住一定嘅社交距離😌，每個人都有自己嘅私人空間。
鋪後面有個小露台，擺放咗好多植物，唔想比四幅石屎牆包圍嘅，小露台係個唔錯嘅叉電地方😊。
餐牌上面多咗好多選擇(但其實都唔係多😅但太多選擇有陣時都唔係一件好事，less is more)，但依然保留住，最出色嘅比利時窩夫🥰
原味永遠係最好㗎！佢係一種好特別嘅味道，食過一定返唔到轉頭！大家可以親身去試吓😊
今次仲遇上特別版咖啡味，窩夫入邊唔算好重咖啡味，窩夫依然係主角，兩者互補又唔衝突😊
餐蛋麵，係我堅持要叫既，仲使佢同Cafe格格不入。唔知點解，喺度叫餐蛋麵，就係會有一種，屋企人煮俾你食嘅感覺。🥰一隻燶邊雞蛋，兩件厚煎午餐肉，食得出店主帶住專心去煮呢碗麵😊(但又有機會係我filter開得太大😂😂，但我就係食得出，佢唔係茶餐廳嗰種，煮到滑哂雅嘅餐蛋麵)。
反而，個開邊蝦茄醬意粉，唔係唔好食，不過不失啦，不過冇咩感動😂。
總括來說，我會覺得，如果你想喺呢一度，追求美食同埋打卡，咁可能你會覺得呢度好平淡。
但係如果你想享受片刻寧靜，得到放鬆，為靈魂重新注入能量，呢度絕對係(我嘅)不二之選🥰。
张贴
