大城小廚

营业中

休息中

去啟德體育園，睇演唱會之前，專誠來九龍城呢間網友狂推嘅小店。門面睇落平平无奇，點知一試就知係「真功夫」，完全靠味道取勝，店員也是好客有禮的-位置都幾方便，食完行10分鐘就到宋王臺，之後再去啟德主場館，時間啱啱好。-菜牌入面好多驚喜：• 人氣款「蜜椒薯仔安格斯牛柳粒」的確唔錯，但我私心更愛「豉椒炒蜆」，蜆新鮮又大份，豉椒汁酸辣惹味，索晒入蜆肉度，配飯真係冇得頂，性價比超高；• 「美極煎龍躉球」一定要讚！就咁食少少鹹配埋飯就啱啱好個魚皮真係超好食外皮煎到金黃香脆，魚肉嫩到出汁，呢種水準喺酒樓起碼要300幾，呢度價錢親民好多。聽講主廚係知名酒樓出來嘅，果然有料到• 最驚喜係「土魷蒸肉餅」，比起上次喺趕時間兩餸飯食到個「散碎渣」，呢度嘅肉餅緊實彈牙土魷嘅鹹香滲晒入肉度，肉味超濃，拌飯簡直一流，一口接一口停唔到！平平無奇嘅小店，原來藏住咁多好味小菜難怪區內咁多食肆依然屹立不倒，好吃的店就應該多啲人認識星洲炒米都正！