大城小廚

营业中

休息中

1月中嘅星期日，同阿爸阿媽係九龍城食理晚飯先番屋企。我哋只係3個人食，叫咗4款食物，二個菜，啫啫煲芥蘭，味道夠惹味，鐘意濃味的會喜歡。鯪魚球剛剛炸起，夠曬熱又脹卜卜，唔錯。福建炒飯比較濕，我唔太鍾意，料係好多，足料，鐘意食濕炒嘅朋友會喜歡。呢度晚餐時間，客人都多，但未至於要等位。好多一家大小黎食飯。上菜都夠快。

逛完九龍城，諗住隨意找間粉麵吃免回家煮😁，見‘’大城小廚‘’有下午茶潮汕粉麵，我們便入去找個位坐下，下午茶也有很多選擇👉中西潮食🤣💥牛腩粗麵+熱奶茶 >>$46👉👉牛腩半肥瘦，軟淋有牛味，麵有咬口，清湯。吃完沒口渴，該沒有下味精。😊💥墨魚丸粗麵+熱奶茶👉👉嘩嘩。。。墨魚丸好爽口彈牙，咬到有墨魚，還拉到墨魚鬚出來。。。哈哈，正貨👍🍜一般粉麵店墨魚丸都是粉團，完全吃不到墨魚囉。。更不會有彈牙口感🙂‍↕️👉👉奶茶略嫌不濃郁又不香滑👎🙂‍↕️

7月尾嘅星期日同爸爸媽媽喺九龍城食晚餐，諗唔到食乜。求其入咗間茶餐廳食，叫咗兩個菜同一個雞煲同魚頭煲。原來個魚頭煲係湯，魚頭已經碎晒，分開湯料上，有啲皮蛋個，湯幾好飲，魚頭係冇肉嘅。蔬菜就純叫湯上，正常水平。仲有叫咗個星洲炒米。呢間餐廳都好多人幫襯，滿座時候，會坐得好迫，亦都比較嘈°如果同朋友聚會，就唔係太適合°當係飯堂都可以°

我今日去咗一間茶餐廳，真係發現咗一款超正嘅招牌菜！我一定要同你講下佢哋嘅「焗椰香咖喱雞扒飯」，真係令人舌尖上嘅享受！首先，話到呢碗飯嘅咖喱醬，真係咁香嘅香氣令人忍唔住流口水！佢哋嘅咖喱醬係以椰漿為基底，入面加入豐富嘅香料同香料，味道濃郁而且帶有一絲絲椰香。每一口飯都可以充分沾到呢個香濃咖喱醬，完全係一個味蕾的享受！而雞扒呢，絕對係呢碗飯嘅亮點！佢哋嘅雞扒煎得金黃酥脆，外層夠脆，內裡嘅肉質卻仲保持咗嫩滑多汁。每一口咬落去，啲肉汁就會噴出嚟，真係令人欲罷不能！雞扒同咖喱醬嘅結合，味道層次分明，每一口都係一個驚喜。總括而言，呢間茶餐廳嘅「焗椰香咖喱雞扒飯」絕對係一個讓人驚喜嘅美食選擇。無論係香濃嘅咖喱醬，酥脆多汁嘅雞扒，定係豐富嘅配菜，都係一個完美嘅組合。如果你係咖喱雞扒嘅愛好者，呢間茶餐廳絕對值得一試。快啲去試佢哋嘅焗椰香咖喱雞扒飯，肯定會讓你回味無窮！

九龍城地道的港式茶餐廳，從宋皇臺站走過來大約5分鐘。餐廳人氣高，有卡位及大圓枱，適合多人聚餐。炸子雞平常在酒樓才吃到的炸子雞，在這小菜館也有！皮炸成金黃色，聞起來好香，外皮脆，雞肉嫩又多肉！可以揀半隻或一隻。豉汁蒸鱔鱔肉肥厚美味，豆豉香，紅椒加上蔥粒，看起來引人，豆腐也充滿了豆豉香味。杏汁豬肺湯一大碗的湯內有大量豬肺，性價比高。杏仁味濃郁，豬肺又滑又清甜。

黃花魚炸得十分通透，連骨頭也是脆脆的，可是魚肉的鮮嫩程度絲毫沒被高溫的淋油影響。外面很少吃到這樣水準的糖醋魚師傅膽量和廚藝屬實高超！！大推！香港餐廳 九龍城 大城小廚

剛剛在店裡訂了－份外賣(只是－個餐)話15分鐘,足足等左45分鐘都冇影,期間－直追問不同的員工都冇回應,最後我要求退款. 我懷疑漏單,但員工完全冇歉意⋯⋯九龍城食店林立,建議去其他地方免浪費你的寶貴時間.

每次黎食都好有水準 一樣咁好食 會特別黎九龍城幫襯佢哋 茶餐廳價錢 私房菜水準！今次推薦呢三道菜，已經食過好多次 誠意推介👍🏻🔥炸子雞基本上係必今！都係我覺得係呢度嘅招牌之一！即叫即炸！皮脆肉嫩多汁，十分香口。🔥秘製陳皮骨師傅有功架 外皮好脆 肉質又嫩口 一咬就離骨 絕對唔痴牙 有淡淡陳皮香味🔥椒鹽鮮魷呢個係期間限定咁滯😂夜啲黎都食唔到 幾乎晚市見到枱枱都叫碟椒鹽鮮魷。炸粉薄又脆 鮮魷新鮮有彈性，份量又多 大件夾抵食。

呢間嘢真係唔駛再去，無論堂食，外賣都等好耐，叫個星米，我等咗 40 分鐘，冇人理你，仲叫你唔好叫炒嘢咪快D。服務員好噪底，成人互相指罵，你問佢嘢，唔會比反應你，除非你好大聲叫佢，食物味道唔差的，但係食茶餐廳，再次都要等成個鐘D食物先到，我諗我唔會再去.

作為九龍城街坊。五一黃金周接待旅行團無問題，但我哋三個人坐低食早餐15分鐘都唔夠。份火腿多士都未食完老細就過嚟收嘢。趕客趕到出曬面。祝老細生意興隆，給旅客哋體驗下乜嘢叫做香港服務。

路過搵食，阿姐推介我哋叫小菜，好鍾意食西檸雞，就叫嚟試吓。上枱嚇一嚇，成碟八成係雞皮(圖左)，得幾舊肉仔(圖右)；叫咗阿姐三次先肯過嚟(當時已經無乜客人)，同佢講唔對路，佢話西檸雞係咁㗎，死撐話係肉嚟㗎，睜大眼講大話而面不改容。明白要上粉，亦唔係唔食雞皮，但唔係齋皮囉，要賺都唔好太過份，收$80至低限度要畀六成肉呀！

@kan.teen 諗住食成日排曬長龍嘅 #地茂館甜品 之前 都想同朋友醫一醫我地個正餐肚 係同一條街 見到隔離有間其貌不揚嘅小菜館 諗住入去食翻一兩個小炒 估唔到有咁高質嘅水準～叫左一窩水煮魚 擺盤勁有川菜風格 大大一盤 賣相好吸引。鱸魚份量好多，又有芽菜、蓮藕片、雲耳呢啲配菜，好豐富。麻麻辣辣好過癮😋仲有大量粉絲 超入味。估唔到同岀面真係專門做酸菜魚嘅川菜餐廳 質素不相伯仲！食小菜緊係要整翻個啫啫煲，呢個蝦乾啫啫通菜煲火候好夠，上菜時個煲熱辣辣。蝦乾同蒜味都爆到好香口🔥不過食煲食落就油左啲。仲有個小炒，蒜香一口安格斯牛柳粒，肉質軟腍 雖然叫一口 但都好大舊下 唔似骰仔牛咁細粒 好大方的份量😆仲有好多炸蒜同洋蔥 蒜香味濃🧄最後飲埋杯奶茶紅豆冰🫘呢餐食得好滿足 會再幫襯👏🏻———📍大城小廚 (九龍城)九龍城福佬村道33-35號地舖#kanteen九龍城 #kanteen茶餐廳

是但走入一間茶餐廳，諗住求其食過個下午茶，叫咗個牛腩河加熱奶茶，其實我對茶餐廳嘅奶茶冇乜期望，但係佢哋個奶茶香滑，一啲都唔嚡口，奶同茶比例平衡，入口回甘順滑。牛腩河份量夠，牛腩質素高，外面好多急凍牛腩太肥，師傅燘得夠淋又入味，值得再來幫襯。

舊同事認為這間大城小廚是九龍城一帶最划算餐廳，我一直未試，有天下午茶時間，終於有機會一試。看一看餐牌發現即使是正價時段，午餐又話是牛腩牛雜粉麵都不算太過昂貴。見到隔離男子叫個豆腐火腩飯都等了10分鐘，有點不耐煩，卻又能夠體驗這家餐廳即叫即整那份誠意。肉絲炒米，都等了10分鐘左右，不過值回票價，你看看這個炒麵的麵底，夠香脆，即叫即整，沒有油益味，非常之好看的外表，上邊的芡汁，第一好吃，直頭燙傷了舌頭👅，非常之熱燙的肉絲汁。本身看辣椒油以為有些炸蒜混入其內，不過認真食落才覺得好像似花生多啲。茶走，這兒的奶茶味道都相當不錯，又香濃，不太澀

已經唔係第一去呢間店買外賣, 每次我都預咗要等候一點時間, 我都預算在內. 但係今天購買外賣嘅體驗係令我可以輕鬆決定要 black list 這店以後都唔會再嚟堂食或買外賣. 原本只係叫咗個好簡單嘅干燒伊面, 但係眼見其他人後嚟嘅籌號都可以攞走佢哋叫咗外賣, 我再查詢一下仲要等幾耐(已經等咗三十分鐘), 之後收銀阿姐至話頭先廚房搵唔到伊面, 但宜家搵到啦. 但阿姐話會退番錢比我(我之前有要求如果冇落單就退錢), 真係多謝晒! 浪費咗成差唔多四十分鐘去買唔到干燒伊面.