金記冰室 (屯門時代廣場北翼) (已結業)

平時其實我幾鍾意食茶餐廳，貪佢夠地道價錢又合理。今日放工已經好攰，唔係好想煮飯，所以就同老公出咗屯門市廣場呢間冰室食晚餐。呢間冰室都幾多人叫外賣，唔係等咗好耐就有位可以入去。佢哋點餐都幾方便，scan QR code 自在形式。我哋點左兩碗羅宋湯，半隻霸王雞，一碟乾炒牛河，同埋焗豬扒飯，仲有一碟菜。羅宋湯細細碗咁幾好，好怕飲完之後太多已經飽晒食唔到飯，湯身幾濃，唔會太稀，味道酸酸甜甜，我覺得幾開胃。霸王雞應該係雞胸嘅位置，但係比我想像中滑好多。最鍾意食茶餐廳嘅乾炒牛河，呢度嘅乾炒牛河都好有鑊氣，而且我覺得唔算太油，牛肉都比較多，幾抵食。個焗豬扒飯係老公，佢話不過不失，我食咗一啖，豬肉都幾腍，而且幾大塊，男人食嘅話都會飽。總結來講我覺得冰室來講佢嘅水準唔差，間唔中唔想煮飯過嚟呢度食都係一個幾好嘅選擇。