Lockeroom Express (已結業)

Lockeroom Express 係一間有趣餐廳，今次黎佐敦恆豐中心分店，見到佢由裝修至餐具都用上足球有關既物品，完完全全係一間足球主題餐廳。餐廳環境闊落，我選左比較特別既座位坐，打卡一流！職員全程都有好好服務我地。叫左兩個Dinner Set沙律用個大玻璃罐裝沙律菜，配黑醋食。粟米忌廉湯香滑忌廉湯內有粒粒粟米。蒜香牛油法包熱辣辣送到黎聞到好香，咬落去好軟身，外皮有少少脆，好好味！自由配搭意大利飯 $158自由選擇三款配料，我揀左野菌、海鮮、煙三文魚。醬汁我揀左松露忌廉汁。超級濃郁既松露味，鍾意食松露既我覺得超好味！我覺得選呢個配搭好完美，大家可以試下。成個飯好足料，食完好滿足！燒烤醬西班牙黑毛豬梅肉拼北海道元貝 $198黑毛豬梅肉扒肉質軟淋，好味道。有一粒元貝，食到有煎香過，size okay。有薯菜，啲薯角好夠熱，正！Lockeroom 仲有幾間分店，大家都可以去試下。