Med Chef (已結業)

今日放工去咗尖沙咀厚福街覓食唔打唔撞上咗一間主打CBD料理嘅餐廳😍首先一入到餐廳見到霓虹燈裝飾 感覺非常型格 好好feel !入到去坐低就有員工介紹Menu，仲會介紹吓CBD嘅概念👍態度非常好，好有禮貌！之後就用QR code落單，成個過程好方便。今日總共叫咗一罐啤酒，同四個菜式～1️⃣第一個係青咖喱雞卷 ⭐️⭐️⭐️⭐️（忘記拍照了🤣）味道非常好食，用一層好似春卷皮嘅脆皮包住左雞肉，醬汁都非常好食！2️⃣第二個係佢哋嘅羊架（doubleCBD)⭐️⭐️⭐️味道同口感唔錯，不過略嫌少咗羊嘅羶味。不過配埋底下嘅酸忌廉味都幾特別，冇平時食肉咁油膩。3️⃣三文魚吞拿魚拌飯⭐️⭐️⭐️⭐️呢個本身諗住好似普通魚生飯咁，但點知味道相當驚喜😍呢餐最滿意係呢個飯！旁邊有一啲炸咗嘅椰菜仔，經過調味用嚟撈飯非常好食❤️半熟吞拿魚同埋三文魚味道都好新鮮！中間仲有溫泉蛋拌飯👍4️⃣廣島蠔芥末忌廉意粉⭐️⭐️⭐️呢個意粉芥末味比較重，不過我同朋友都接受到，覺得放落忌廉意粉入邊幾驚喜！廣島蠔燒得啱啱好，好肥美！整體評分：環境⭐️⭐️⭐️⭐️食物⭐️⭐️⭐️⭐️服務⭐️⭐️⭐️⭐️⭐️