蝦蝦燒

今日帶個朋友仔去荃灣試新野，就係有得玩又有得食嘅任食串燒燒烤場！之前上網見到好似幾得意，有得自己即場捉啲蝦上嚟燒，又好似幾多嘢食咁。

去到見到裝修幾新潮，感覺乾淨舒適，唔大煙味。佢係自助形式，自己出去夾嘢食。食物質素算唔錯，尤其係海鮮真係好新鮮👍🏻，而且款式多，海鮮例如魚，魷魚，白鱔，扇貝，花甲，蠔等等，串燒有雞牛豬肉，腸豬扒，丸類等。肉類味道都唔錯，醃得好夠味！😊個人比較鍾意食白鱔，虎蝦同扇貝，新鮮燒起嚟真係冇得頂！👍🏻😋

總括來講性價比都幾高，仲要係任食，而且飲品種類好多，又有雪糕食，真係啱晒一家大細邊食邊玩！