吉壽日本料理 (已結業)

好耐冇黎過吉壽食放題，今次選擇左係吉壽同朋友慶祝生日。出左地鐵站唔洗一分鐘就已經到，很方便呢！我地卜左6點鐘，上到去唔洗好似以前咁排隊等位，好快就入得去。座位闊落左，唔洗咁迫。嘩，而家除左自己手寫落單之外，出面仲有啲小食比你拎，好似章魚小丸子，辣味薯角，葡撻等等。另外仲有湯，沙津。飲品都係自己出去拎既，種類係超級多，有足足4個雪櫃咁多。而甜品就有芝士蛋糕，布朗尼，豆腐花等等。落左單之後，係等緊野食黎既時候出去拎左小丸子同葡撻，小丸子熱辣辣，係脆口既！第一樣食既緊係刺身😅三文魚新鮮冇雪味，唔會話太厚，可以食多幾件！北海道帶子好鮮甜，最驚喜係佢超大粒，食落好滿足，岩晒鐘意食帶子既我😂蝦既種類都幾多，有甜蝦泰式生蝦同赤海蝦。天婦羅有新加入既炸鮮奶，當然要試一試啦！細細粒，一口形狀，粉唔會話太厚食到鮮奶味，好特別！虎蝦天婦羅食落好爽口，正！熟食仲有咖哩抄蟹，燒鰻魚，黃金焗帶子等等。抄蟹既咖哩味有少少辣，蟹肉都幾多好入味！焗帶子面有芝士，配上沙津醬，感覺都幾特別。另外仲有炸物，炸物黎到已經feel到係新鮮炸起，有股熱散出黎😂😂芝士年糕入面係軟心既，食落好濃芝士味。炸蠔都幾大隻，食2隻都飽！最後緊