影片
更多
2019-07-06
178 浏览
聽講上環最近有間中菜佢出咗點心放題，就帶埋朋友仔一齊去試吓。我哋book咗12:00去，個場大約半滿，。睇佢張Menu食物種類唔算少，然後發現原來每位入場都已經會包一客鮑魚酥同埋花膠灌湯餃，睇落好似幾吸引咁。由於今次食物種類太多，我就唔一一介紹，揀幾款我認為做得最好嘅出嚟講啦。先講下個鮑魚酥，雖然個擺碟唔係咁靚，但係食落去味道真係唔錯！面頭個汁有少少似叉燒酥嘅感覺，鮑魚係淋身嘅，下面個酥皮都夠熱，入面有少少煙肉之類嘅餡料，我個人覺得做得幾好食。另一樣覺得唔錯嘅係鮑汁雞腳，食落去有黏口嘅感覺，煮得好夠淋。胡椒豬肚湯都做得好出色，我本人好鍾意啲重胡椒味嘅胡椒豬肚湯，而呢個完全滿足到我嘅要求，我仲encore咗一碗！各款蒸點質素正常，但作為放題黎講正常已經係一樣好難得嘅事，唯一係叉燒酥同炸雞翼稍為遜色。叉燒酥皮太厚同黏牙，炸雞翼就冇咩味。最後嘅甜品，楊枝甘露偏甜，不過就好鍾意佢個芒果布甸，好香同好嫩滑，唔會好似其他芒果布甸咁實的的，有啲似moose嘅感覺。整體來講，食物嘅質素屬於中上，始終係利寶閣都有返咁上下保證。值得一提嘅係佢嗰度啲茶好有茶香，我覺得幾好飲。而喺職員態度方面，佢地同佢啲食品
我哋book咗12:00去，個場大約半滿，。睇佢張Menu食物種類唔算少，然後發現原來每位入場都已經會包一客鮑魚酥同埋花膠灌湯餃，睇落好似幾吸引咁。
由於今次食物種類太多，我就唔一一介紹，揀幾款我認為做得最好嘅出嚟講啦。
先講下個鮑魚酥，雖然個擺碟唔係咁靚，但係食落去味道真係唔錯！面頭個汁有少少似叉燒酥嘅感覺，鮑魚係淋身嘅，下面個酥皮都夠熱，入面有少少煙肉之類嘅餡料，我個人覺得做得幾好食。
另一樣覺得唔錯嘅係鮑汁雞腳，食落去有黏口嘅感覺，煮得好夠淋。
胡椒豬肚湯都做得好出色，我本人好鍾意啲重胡椒味嘅胡椒豬肚湯，而呢個完全滿足到我嘅要求，我仲encore咗一碗！
各款蒸點質素正常，但作為放題黎講正常已經係一樣好難得嘅事，唯一係叉燒酥同炸雞翼稍為遜色。叉燒酥皮太厚同黏牙，炸雞翼就冇咩味。
最後嘅甜品，楊枝甘露偏甜，不過就好鍾意佢個芒果布甸，好香同好嫩滑，唔會好似其他芒果布甸咁實的的，有啲似moose嘅感覺。
整體來講，食物嘅質素屬於中上，始終係利寶閣都有返咁上下保證。值得一提嘅係佢嗰度啲茶好有茶香，我覺得幾好飲。而喺職員態度方面，佢地同佢啲食品一樣咁有保證！職員服務態度好好，起碼唔會叫人嘅時候成日扮睇唔到，相比起一般茶樓簡直係天堂同地獄嘅分別！不過有一樣要注意嘅地方就係我嗰日叫咗兩輪食物，第二輪嘅食物幾乎漏咗一半單！而且第一輪點嘅食物係好熱好好食，第二輪食物就算點同款嘅嘢都明顯係冇第一輪咁熱。第二輪落單嘅時候大約係1:00左右，見全場坐滿晒，可能因為咁出唔切食物而啲食物就凍左同漏單，呢樣要注意。
整體來講，兩個人黎食點心放題真係好抵食，因為本身兩個人都食唔到啲咩款，但係依家就可以每樣少少咁食都好多唔同野，所以真係好值得推薦比大家。
张贴
