板卷 (已結業)

今晚唔想煮飯，好想食壽司，試下屋企附近開咗冇幾耐的「板卷」，用QR code或者點餐紙下單，即叫即做，店內有少量企位，可以即場食，但眼見多數外賣，叫左8款壽司，壽司飯紮實，用咗醋飯，很配刺身，面頭刺身大件過飯，而且也算新鮮，價錢合理。我叫左厚燒鰻魚壽司，啖啖肉得乾身、珍寶赤蝦壽司，肉質肥美、北海道帶子壽司，厚肉鮮味、油甘魚壽司，油脂平均肉質嫩滑、藍鯨大拖羅壽司，肥美金香 、 火焰左口魚壽司，魚油味重、碎蔥吞拿魚腩軍艦壽司，魚蓉幼細香滑及深海池魚壽司，清甜爽脆。除了壽司，仲有刺身、手卷、魚生飯及炸物等，款式種類都幾多，仲有派對拼盤可以叫 ，下次開party可以試下。