Catee (已結業)

Catee係一間沒有cat的餐廳，但呢度嘅質素十分高，性價比高。呢度除左有幾款set dinner揀之外，仲可以揀main course加$50轉配套餐。非常抵食。套餐包左每人2塊包，有黑醋同橄欖油點。沙律細細碗好開胃，少少酸好醒胃。餐湯就一般般，忌廉湯但味道不太濃，配料多d就更好啦。我地另外叫左酥炸魷魚圈，有8舊，份量都算多，炸得幾好食同好香口。唯獨魷魚味不足。主菜叫左碟大蝦冬蔭公意大利飯，味道偏酸，但幾創新幾特別。飯粒硬度適中。個人認為大蝦都算新鮮，不錯不錯。另外，我地仲點左黑豬鞍配薯泥，咁豬鞍味道濃郁，肉質嫩滑。而薯泥好好食，好滑好香好好吃。套餐仲包一件朱古力蛋糕作甜品。餐飲叫左杯朱古力，味道十分濃，好正。值得推介。