El Portal (已結業)

話說早幾日睇返前幾年去西班牙d旅行相突然好掛住西班牙海鮮炒飯於是即刻上網search香港有咩餐廳可以食到搵到呢間係佐敦嘅樓上鋪見d人個個對佢個海鮮炒飯讚不絕口就book咗下星期放工同朋友一齊食當日嚟到環境好舒服 氣氛好有情調我同朋友選擇坐係bar位 對住廟街😂跟住開始揀野食，前菜揀咗生蠔，主菜揀咗黑豬排同烤八爪魚。 我竟然無食到西班牙海鮮炒飯🥺因為當日唔算好肚餓得兩個女仔，唯有留返下次再食啦！生蠔分咗三種各兩隻($188)法國芝亞多,法國安莎蓮,西班牙阿魯薩個人最中意中間個款，最鮮甜其實款款都不錯，混合盤呢個價錢無得輸👍🏻燒烤黑豬排配松露醬烤南瓜$268豬排非常嫩滑，肥瘦適中，啖啖肉😋全部蔬菜都有輕輕烤過，都幾香口，呢個價錢都好值得一試。烤八爪魚配法瓦豆泥$168見到呢個擺盤就知有返咁上下質素嘅餐廳先做到，有一條肥美嘅八爪魚，估唔到烤完一d都唔難咬，仲咬到八爪魚個爽脆嘅外皮加上軟淋的內肉，口感好正！配埋香噴噴豆泥，配搭一流。