緣聚 (已搬遷) 新店位置

话说上回同老爷奶奶食完之后，返屋企即时同虾子饼汇报，佢听完当堂流晒口水，所以今日约埋未来姐夫及老爷奶奶共六个人再Encore~~~~~~刺身方面，餐厅绝不吝啬，你每样叫廿件，佢俾足廿件你，仲要有三文鱼腩及甜虾等刺身以供选择，材料都新鲜，必食之选炸物方面，每样都香脆可口，有炸芝士条，泰式鱼饼，炸虾等，款式种类多，好好食~~~~~焗青口及焗蚝：青口就无咩味，不过焗蚝个汁好香，应该系类似沙律酱，个味好夹寿司：我地正系点左玉子寿司及鳗鱼寿司，鳗鱼寿司一般，不过玉子寿司就好香蛋味，好好食~~~试过出面好多间放题，唯独呢个有西式扒类俾你选择，仲要个汁好香浓及牛扒炸鱼柳好好食，啖啖肉，好满足，仲要有猪仔脾食，你地睇下d份量绝不欺场，问你服唔服？？除此之外，呢度仲可以食埋火锅，火锅汤底我地拣左猪骨汤底，味道香浓，仲有肥牛，豆腐，菜，菇，丸等选择，爽！甜品方面：可以拣云石芝士蛋糕，芒果布甸，木槺布甸…………等，味道ok饮品方面：除咖啡奶茶可选择外，仲有梅酒，清酒，麒麟啤酒及红酒饮早一日预定有九折优惠，虽然我地今次食正价时段，但我地都觉物有所值，起码食物种类又多，质素好，味道整体都算系中上水平，加上环境舒