味火鍋 (華僑商業中心)

假日就約下好友聚舊， 大家都想食海鮮打邊爐，佢話見呢間評價都唔錯，賣相都新鮮，就book左去#旺角 #華僑商業中心 #味火鍋 🍲品嘗美食囉☺️。鋪坐下店員先奉上開胃前菜，點左湯底同4選一嘅美食後，我哋便出自助區取醬料同飲料🥤，極多選擇，仲有樽裝汽水☺️。首先上左每人半隻的芝士龍蝦🦞，龍蝦肉質彈牙很新鮮，芝士份量剛剛好，比佢💯分。鴛鴦爐番茄🍅豬骨+芫茜🌿皮蛋，爐的中間會有個清湯，滾菜專用很貼心啊！湯底調配得很恰到好處，不會過咸或過酸的☺️。海鮮拼盤同牛肉、蔬菜🥬併盤同時上場。唔可以空肚打邊爐，故滾晒啲菜食左先☺️。而海鮮拼盤有尚在郁動的鮑魚，鮮蝦、生蠔🦪、大蜆同蟶子，仲有手打墨丸、蝦丸同蟹捧，所有食材均沒有冰味，款款都鮮甜可口。美國安格斯牛肉拼盤，賣相美美的，牛肉呈鮮嫩色，輕輕滾滾便可以食用，肉質嫩滑，真係超級滿足啊🥳。之後可以用QRcode點其他食物，如美國肥牛，西班牙豚肉，各款丸類、餃子🥟，鴨血、午餐肉，當然仲有唔同款式的瓜類、菇類同蔬菜🥬，店員上菜快且沒有漏單，讚👍。餐廳乾淨夠衛生，食物新鮮可口，仲要冇限時，老友已約定家人下星期再過嚟🤓。