惠 (已結業)

同事生日，所以lunch時一齊去食餐好！預早book左呢度既廚師發板，期待左成個星期，終於食到，值得等既！我地叫左壽司十二貫套餐有前菜、十二款壽司、茶碗蒸、靜崗蜜瓜或咖啡北寄貝平時食開既北寄貝都係紅色，呢個係灰灰地白色，食落好爽口，無腥味凡立貝好厚身，色澤光透，好新鮮！牡丹蝦夠大只，肉身晶瑩剔透，食落有蝦既鮮甜味！墨魚好爽口，面頭加左柚子同橘子碎，食落好清新！伊左木未聽過呢種魚，第一次食，魚既質地有啲Lim lim 地既感覺，好鮮甜！三文魚籽大大粒，好鮮甜，無腥味！金目鯛好鮮甜，面頭加少少生紫菜，有紫菜既香味，無違和感醬油漬吞拿魚有少少似煙三文魚既感覺，醬油唔會太咸，食落甜甜地，又好香醬油味！海膽海膽好新鮮，有海膽既甜味，份量超多，成半板甘濟！正到不得了！魚師 魚好稔好juicy，塗左少少白豉油係面，唔太重味，帶出魚生既鮮甜味！大拖真係好鮮甜，肉質爽口，超新鮮！最後以靜崗蜜瓜作結，完美既一餐！朋友都好滿意！整體上好滿意，魚生全部都好新鮮好清甜！值得推薦！