鎧軒居酒屋 (已結業)

喺太和對面新開左間日本店，已經唔係第一次黎幫襯，仍值得一訪再訪。鋪面不算大，有普通嘅座位同吧枱，可以近距離欣賞到食材同師傅嘅手勢。黎到最重要嘅食物環節，當天去到食午餐，食店提供壽司🍣刺身、熱食等，當然樣樣都試下。鎧軒刺身便當有6款刺身，拼炸雞或吉列魷魚圈，再配有湯、沙律和茶蒸碗及飯一碗，刺身新鮮，炸物都係即叫即整。牛肉鍋鍋物熱辣辣上枱，好足料，除左有牛肉，仲有滑蛋、菜、姑、粉絲，再配一碗飯，就算男士食都足夠。牛肉生薑燒定食香噴噴熱辣辣，味道剛剛好，送飯一流。