影片
更多
2016-10-23
404 浏览
出名有黑洞肚嘅M佬，最鐘意食自助餐，你見住佢食極都唔飽，又唔肥，你真係覺得好有無搞錯! 今次佢又話食放題啦! 老實講，我A姐就唔係太好放題，總係覺得素質麻麻。佢叫到，就捨命陪君子啦!今次嚟到銅鑼灣尚鮮日式燒肉漁市場，120分鐘燒肉海鮮刺身任飲任食放題。食放題就梗係睇價錢先啦!!! 星期一至四: 成人$268/位，小童/長者$168/位。星期五、六、日及公眾假期前夕: $298/位，小童/長者$168/位。另收加一服務費。價錢正路，唔算太貴。用紙落單咁Out? 尚鮮用平板電腦落單，好環保! 而且數量係每件計，唔洗驚一嚟就一大碟，食唔晒。燒肉無得即叫即食，咁肚餓當然係食住啲前菜先啦! 放題就梗係食魚生啦，唔通仲食壽司，驚死自己食唔飽呀! 呢到魚生嘅選擇都okay多，有甜蝦，三文魚，帆立貝，劍魚腩等，都好肥美! 值得一提嘅係呢度有帆立貝，都算厚身!燒烤梗係食海鮮先啦! 最正呢度有蠔，隻隻都好肥美，好厚肉。燒完好juicy，仲有嗰陣海水味。另外燒虎蝦就梗係唔少得，燒嗰陣落埋呢到嘅玫瑰海鹽同黑椒，真係Perfect!! M佬一個人食咗一打12隻囉....... 仲有九州原條鯖魚，八爪魚同墨魚仔。
今次嚟到銅鑼灣尚鮮日式燒肉漁市場，120分鐘燒肉海鮮刺身任飲任食放題。食放題就梗係睇價錢先啦!!! 星期一至四: 成人$268/位，小童/長者$168/位。星期五、六、日及公眾假期前夕: $298/位，小童/長者$168/位。另收加一服務費。價錢正路，唔算太貴。
用紙落單咁Out? 尚鮮用平板電腦落單，好環保! 而且數量係每件計，唔洗驚一嚟就一大碟，食唔晒。
燒肉無得即叫即食，咁肚餓當然係食住啲前菜先啦! 放題就梗係食魚生啦，唔通仲食壽司，驚死自己食唔飽呀! 呢到魚生嘅選擇都okay多，有甜蝦，三文魚，帆立貝，劍魚腩等，都好肥美! 值得一提嘅係呢度有帆立貝，都算厚身!
燒烤梗係食海鮮先啦! 最正呢度有蠔，隻隻都好肥美，好厚肉。燒完好juicy，仲有嗰陣海水味。
另外燒虎蝦就梗係唔少得，燒嗰陣落埋呢到嘅玫瑰海鹽同黑椒，真係Perfect!! M佬一個人食咗一打12隻囉....... 仲有九州原條鯖魚，八爪魚同墨魚仔。條鯖魚燒得好香，不過小心塊魚皮，好易會燒到黐底。
M佬無啦啦話想食龍蝦。Sorry，人哋任食無包龍蝦囉，想食另加$128啦!! 佢又真係叫喎，有無咁想食呀? 不過嗰蒜茸香燒龍蝦醃得好香，又夠厚肉，如果包埋喺放題就好啦!!除咗海鮮，當然要食肉啦! 呢度有好多選擇，有唔同嘅醃料!!
韓式肩胛梅花，肉質鮮嫩，有少少脂肪，燒到啲油到晒嚟，真係好香。
第一刀叉燒，嗰樣唔係好吸引，不過食落好掂，啲肉好淋身，應該係梅頭肉。燒雞翼，我自細鐘意食! 呢度有唔同味嘅雞翼，有咖喱，南乳，BBQ同辛味! 仲要細心到同你剪開，一舊一條骨。
你以為咁就完?? Sorry，唔係囉! 我哋仲叫咗蒜香金菇，牛油粟米粒，清酒煮帆立貝同蒜香腸。我哋一致覺得金菇係最正，牛油粟米粒油咗少少，而清酒煮帆立貝就太甜，食唔清酒味。腸呀，咪腸一條囉!! 哈!!
唔好走住，仲有甜品。不過大家唔好抱好大期望，係一啲比較普通嘅甜品，比較特別嘅係煙韌嘅大福。整體嚟講，尚鮮比其他放題餐廳嘅質素好，選擇都多，係可以encore嘅放題之選!! 最後提提大家，尚鮮每晩只有兩個時段，一係18:30，一係20:30，想食就要提早訂位喇!
张贴
