家賀屋刺身寿司專門店

又要便宜又要好食，真係有啲難，但呢到就可以同時出現又要便宜又要食物質素高嘅選擇，其實都係朋友介紹，係呢區都算係人氣點，位置都就腳，一出升降機就係餐廳，地方都好闊落，而座位超級舒適，大大張梳化，而燈光就較柔和，而這裡餐牌上嘅選擇就真係五花百門，有晚市之選及激安壽司，同本完整餐牌，當然第一見就係望望晚市之選有沒有心水先！先點了杯夠晒透心涼嘅Orion，啤啤先，一望就知道就係佢丼定食之特選海鮮丼$308，配胡麻田園沙律，日式燉蛋，海帶麵豉湯，呢個丼真係一次過有晒不同嘅海鮮刺身係呢到，最緊要係都有最愛嘅海膽！等了陣就上枱，真係好大碗，上面鋪滿了不同嘅刺身，重有片中吞拿魚腩，咁當然要呢相大合照先開始今晚嘅晚餐，就咁數都差不多成十一樣刺身，每件單上都可能貴過個飯，當然呢個丼真係用料十足，有入口即溶嘅海膽味道鮮甜，而中吞拿魚就夠晒肥美，只有在口中先可以感受到佢嘅肥美！而中間隻鮑魚亦好彈牙爽口鮮甜，還有甜蝦、三文魚、魚子、吞拿魚等新鮮海鮮，真係一次過享受到不同口味！而另外個menu 嘅激安壽司真係要再加！裡面有12款口味嘅選擇一律$13一件，記住係落單由師傅即刻製作，當然吃完個丼應該吃飽了，但真係抵加