影片
更多
2020-08-19
1407 浏览
店面前邊係排檔，好彩個掛得高高嘅黃色招牌夠顯眼先至搵到佢，係人流旺區，生意都唔錯。各式各樣嘅傳統唐餅，皮蛋酥、雞仔餅、西樵大餅、光酥餅、糯米糍、芝麻卷、白糖糕、雞蛋糕、砵仔糕 ……，一應俱全，好難搵唔到合自己口味嘅食品。咁多嘢邊係食得晒，於是買咗個雞蛋糕同埋砵仔糕嚟試吓。好靚仔好懷舊嘅傳統雞蛋糕款式，表皮烘得焦香顏色吸引，表面有浸油，仲有幾粒烘香咗嘅大瓜子黏住喺上面，未曾入口個樣已經攞滿分。$10雞一個，淨係食上高嗰幾粒瓜子都值回票價，又香又脆瓜子味濃郁，正！但係要記住自己唔係食緊日本蛋糕，所以口感係會有些小嚡，不過蛋香唔會欠奉，亦唔會太甜，真材實料冇欺場。台山砵仔糕細細個好精緻，咬落軟滑有米香，紅豆亦都香，亦唔會太甜，好好味。
店面前邊係排檔，好彩個掛得高高嘅黃色招牌夠顯眼先至搵到佢，係人流旺區，生意都唔錯。
各式各樣嘅傳統唐餅，皮蛋酥、雞仔餅、西樵大餅、光酥餅、糯米糍、芝麻卷、白糖糕、雞蛋糕、砵仔糕 ……，一應俱全，好難搵唔到合自己口味嘅食品。咁多嘢邊係食得晒，於是買咗個雞蛋糕同埋砵仔糕嚟試吓。
好靚仔好懷舊嘅傳統雞蛋糕款式，表皮烘得焦香顏色吸引，表面有浸油，仲有幾粒烘香咗嘅大瓜子黏住喺上面，未曾入口個樣已經攞滿分。
$10雞一個，淨係食上高嗰幾粒瓜子都值回票價，又香又脆瓜子味濃郁，正！但係要記住自己唔係食緊日本蛋糕，所以口感係會有些小嚡，不過蛋香唔會欠奉，亦唔會太甜，真材實料冇欺場。
台山砵仔糕細細個好精緻，咬落軟滑有米香，紅豆亦都香，亦唔會太甜，好好味。
题外话/补充资料：
疫情底下觀察食肆啲食客，就算兩人一枱，好多一坐低就除低口罩，然後口水狂噴地與朋友高談闊論，視隔離枱其他食客若無睹，衛生情況令人觸目驚心。所以非常時期情願多幫襯呢類外賣小食小店解決兩餐，盡量避免堂食，覺得會對自己安全更有保障。
(以上食记乃用户个人意见 , 并不代表OpenRice之观点。)
张贴
