貓竇 (已搬遷) 新店位置

小朋友想摸貓貓，所以選了這間貓cafe試下，原來cafe有7隻貓貓，隻隻貓都健康可愛，環境好乾淨，睇得出兩位店主係愛貓之人；我哋預約了晚上七點半，食&玩到十點才走，冇最少人頭消費，食幾多收幾多錢，價錢合理，食物＆飲品質素都有水準，推介三文魚&羊架, 主食可單點或加蛋包飯或轉套餐包小食，嘢飲啲小朋友就話巨峰提子梳打最好飲，但小心有為食貓會上枱陪你一齊食。店主重好細心教小朋友點樣摸貓抱貓，小朋友玩得好開心，話一定要再去。