丸和食堂 (已結業)

上水石湖墟出名多野食，今次想食日本野，所以就試下呢間「丸和食堂」啦！入去就覺得間鋪幾乾淨整齊，Ｄ座位幾寬敞舒服，侍應效率算係幾好👌🏻👌🏻好啦，講返野食先！先叫左個灸燒芝士大蝦反卷，Ｄ飯口感普通，不過炸蝦幾脆，但蝦就唔太大隻，但可以一試！然後加少少錢轉左汁煮豬軟骨湯烏冬，呢個好食！Ｄ湯好夠味，豬軟骨大件又多，Ｄ肉硬左少少不過幾入味！仲有叫左脆炸雞軟骨，都有水準！每粒都好易咬碎，又好香口！重點個汁係點千島醬，好正😋😋好啦以上都係幾好既值得推薦，不過有Ｄ仍需改善！🙈🙈呢杯朱古力就一般，無咩特別。仲有件七吋長壽司，長度夠啦，但厚度就。。。質素就咁上下啦，廿幾蚊咁上下至於碗鱈場蟹棒湯拉麵，個湯無咩味，令成碗拉麵都麻麻地！總括黎講食物質素有改善空間。