塚田食堂

营业中

休息中

食物好食，推介燒鯛魚。照燒雞都好食，真係有燒嘅感覺，雞皮脆。不過出餐慢，我地坐低落單叫左兩個餐，黎一個﹑冇黎第二個。後尾加左單再叫多個餐。追左兩三次，第二個餐終於黎，但第三個餐又要再等﹑再追。但係店員態度好，幫我地追，同係咁講唔好意思。當晚外賣order好多，廚房入面忙住做外賣單，我地眼見係咁出外賣order。個經驗唔係咁好嘅，因為我地堂食要俾服務費，但外賣反而仲快過我地。最後店員見我地真係等左好耐，埋單時俾左少少折頭我地，成件事就唔同哂，覺得佢地有誠意想做好佢。