任你點車仔麵 (已結業)

任你點車仔麵，聽個名已經好有氣勢，有聽過唔少報導介紹呢間野，去開深水埗，特登去幫襯下因為冇仔細睇過介紹，所以一入到去，已經比到唔少驚喜我。—兩邊各有一張長木枱貼住牆，中間兩張大木枱，至少可以坐8個人。佢既格局應該參考左日本既拉麵鋪，充分咁利用左成間鋪既空間。冷氣好大，食到個人慶慶地都好，都唔會出汗—調味料、餐具、落單marker都放哂係枱上面既鐵架到，不但唔會佔用枱既位置，成張枱既人都可以拎到。不能不提既係筷子全部都係頭向下，衛生好多種種既細微之處，都能夠睇得出老闆應該係年輕一輩，同時係細心既人。實在係超級加分既一環—落單直接係過左膠既menu上用marker圈，清晰方便，又環保。—我地好多樣都想試，叫叫下都畫左唔少餸—佢上菜好快，３分鐘都唔洗就上枱啦。豬頸肉、蛋白魚腐、魚皮鮫同溏心蛋，腩汁加沙嗲汁日式叉燒、生菜、手打墨魚餅、豬大腸同豆卜，腩汁加沙嗲汁—先講佢既湯底，腩汁湯底，完全唔會咸，唔似平時勁重味精，食完都唔會好頸渴‼️ 沙嗲汁本身有輕微既辣味，好香通常豬頸肉都係薄切細細塊，從來未食過咁厚身既，以為會好韌，點知佢勁彈牙，好有咬口😱溏心蛋超正，唔會過熟，蛋黃味道濃郁，撈一啖湯黎食，正