大圍小館

营业中

休息中

喜歡吃中菜的好友話要帶我去大圍小館吃最好味的魚蝦蟹，有人主動帶路我緊係唔會錯過嘅。來到地方座位間寬倘沒有侷促感，座下感覺舒服，侍應熱情主動推介菜式， 印象深刻係第一叉，原來係講叉燒， 朋友食過話正，咁我鍾意食肉就即落單了。叉燒比出面的大件望見以為會好硬啦咁大件咁，點知入口驚訝喎，又好軟淋淋喎外層燒得幾好仲要用上靚的蜜糖點綴。朋友話明帶我食魚蝦蟹， 先來個魚頭啦嘩嘩嘩好鬼大個， 加上辣椒惹味非常一人一邊面珠唔洗爭。 一餐晚餐點都要食菜幫助消化的叫西蘭花最岩我地，一來有抗氧化功用，二來提高人體免疫力，多食冇害仲要加左大隻蝦球去炒加分加分。朋友最愛的蟹上場了，肉質飽滿細嫩，香鮮並存，蟹肉絲絲清甜，配搭吸味蘿蔔糕好高明。食了咁豐富的菜式已經好飽了，但都唔可以錯過甜品糕點，紅豆椰汁糕，解一下油膩感。