烏蠅館 (已搬遷) 新店位置

作為麻辣fans，得知尖沙咀新開一間主打四川冒菜嘅餐館，就二話不說捉埋朋友去試啦😍店址位於亞士厘道，都幾隱蔽，可能係新張不久的緣故，加上午市時間已過，食客不多。Menu中有單人餐和雙人餐，價錢都幾抵。店家仲好好人，細心向我地解釋主食中各款麵條的特色。佢話火鍋寬粉都可以當作主食，但會比較脹胃，會令人過飽。最終我就揀左👇🏿🌶湯底：麻辣🍢配料：雞中翼魚腐雞髀菇唐生菜鵪鶉蛋火鍋寬粉🍜主食：米線本來揀左米線，但廚房搞錯左，比左四川火鍋麵比我，但唔緊要，試下新野都好！麵質比想像中更爽口，似粗身版的合味道杯麵，又幾唔錯！店家仲貼心提示，撈勻所有野會更好味，見到咁多大蒜同蔥，你就知道呢碗野幾咁惹味！由於第一次黎，我揀左小辣試下水溫，覺得下次可以揀大辣，相信會更滋味！配料方面款款都好出色，雞翼肉質好滑，又入味👍🏻魚腐、寬粉更加係我至愛，必點💓自家特飲：玫瑰蜂蜜桂花蜂蜜玫瑰蜂蜜唔單止賣相靚，仲相當清新好飲，甜度適中，滲出淡淡花香，淡雅怡人，一試難忘！原葉檸檬茶烏蠅館真係冇令人失望，從食物嘅質素，到餐廳嘅裝潢格局，再到服務態度，都盡見店家嘅誠意，下次黎尖沙咀行街都一定會再嚟烏蠅館食lunch 呀！