和牛燒肉一郎 (寶漢大廈) (已結業)

好耐無食燒肉喇😍😍😍今日揀左呢間和牛燒肉一郎，放題又唔同餐可以選擇，我地就揀左C餐。飲品｜除左罐裝飲品仲有好多自家製既茶同果汁，又唔會好甜，岩哂女士們🥰桶•盛合｜里脊肉同牛肋肉都充滿油香，脂肪分佈平均，油花豐富😍牛味雖然唔算太濃但肉質軟嫩，接近入口即溶😋小舟盛盒｜盛合有齊豬牛雞、海鮮同蔬菜😍海鮮好新鮮，帶子同海蝦都好爽口👍🏻豚腩片燒完之後好香口，盛盒裡面既係美國牛，所以牛味比較突出🤤炸蝦&炸蠔｜估唔到炸物都幾出色🫣熱辣辣而且炸到好酥脆，值得encore!!兩色蔥花牛舌｜加左蒜蓉同蔥花令味道更香濃👍🏻大判壽喜燒牛里脊肉｜店員會過黎幫你燒，攤平燒兩燒就可以捲埋點蛋黃同壽喜燒醬汁食😋生熟度岩岩好，點埋蛋漿入口好滑溜。冷麵｜C餐餐牌仲有啲韓式小食同主食可以揀，呢個冷麵又幾好食👍🏻加入泡菜辣辣地好開胃！前菜、飲品同甜品都好多選擇，係有誠意既燒肉放題⭐️特別推介大家食佢個肉桂青蘋果芝士餅，個底有肉桂蘋果片好好味❤️