魚米家魚湯米線 (已結業)

上水揾食，想輕食，經過魚米家，見有卡位，隨身物件多，放低都仲可以坐得舒適，就入去。記得以前都黎食過，印象唔差。叫左:$36爐燒羊鞍湯米線--上枱見羊鞍黑炆炆，心諗係咪用左老抽"頁"件羊或是焗燶左;賣相先扣分，好彩一啖入口，入口幾淋，有淡淡的羊羶味，份量就有1件大1件小。米線，份量頗多，有3件白蘿蔔。$36香草去骨牛肋骨魚湯飯--冇香草味，牛肋骨，軟硬度剛好。魚湯飯，男仔就會覺得份量少一點。講返魚湯，米線和湯飯，都唔覺腥，但又唔覺好有魚味喎。幾喜歡上枱，材料和米線飯，分開上。等食個陣望下四周環境，裝修其實幾有心意，有4幅梅蘭菊竹裝飾。客人唔多，或者係咁所以感覺闊落。埋單$72，有羊鞍有牛肋骨的米線餐，感覺很不錯，如果包一杯餐飲就更加好啦，下次會再黎。