軒尼詩冰廳 (駱克道) (已結業)

駱克道開左間軒尼詩冰室，環境更加闊落，裝修得更精緻，menu超多選擇！炒粉麵飯， 鋸扒都有！紐西蘭直送西冷牛扒，用料質數幾好！西冷扒用質幾緊緻，size幾大份，切開後微微粉紅！沒有過多既筋位，牛味幾濃幾嫩淋！黃金蝦球，酥炸左既外層好脆身，味道帶咸蛋黃香味，內層蝦球都幾好口感，爽爽彈彈！味道唔會過咸過膩，炒得幾有鑊氣感。西蘭花炒帶子，個醬汁底調得好惹味，蒜香洋葱香好有風味！帶子綿綿細滑夠飽滿！西蘭花清爽脆口，味道相當不錯。還有好幾款小炒都好吸引，所以都會回頭幫襯。