影片
更多
2018-03-24
416 浏览
約朋友食飯，佢上網見到呢間好似幾好食，於是決定黎食，但我地無book位。夜晚七點半，門口排滿人，向侍應登記，佢話等45分鐘至1個鐘，佢話有位會打電話比我，真係嚇一跳，食餐飯啫... 好彩朋友未到。最後都真係等左45分鐘~青木瓜蝦沙律，好清新，但幾辣。最前果碟係和牛炒河。乜泰國有和牛咩？ 係咪真和牛我唔知，但好惹味。蟹肉炒飯。蟹肉算幾多，飯亦炒得粒粒分明，好香口。食完主菜就要食甜品。芒果糯米飯係店員特別推介。芒果未係當造，所以色水唔太黃，食落亦唔太甜，反而個糯米飯就因為個煉奶搞到好鬼甜，平衡返個芒果甜度。最特別係糯米飯裏面撈左炸扁豆，食落有脆脆。脆既糯米飯，唔黏牙，好趣。另一款甜品仲趣，特色椰子奶冰凍冰冰。趣既係粉紅色圓粒貌似台灣粉圓既野。外皮煙煙韌韌車厘子味，裏面包住粒又爽又甜既亞熱帶生果，但食完都估唔到係咩生果，可能係梨，可能係蘋果，朋友估係椰子，我就覺得唔係。最後食晒都未知係咩，總之好食。😂
青木瓜蝦沙律，好清新，但幾辣。
最前果碟係和牛炒河。乜泰國有和牛咩？ 係咪真和牛我唔知，但好惹味。
蟹肉炒飯。蟹肉算幾多，飯亦炒得粒粒分明，好香口。
食完主菜就要食甜品。芒果糯米飯係店員特別推介。芒果未係當造，所以色水唔太黃，食落亦唔太甜，反而個糯米飯就因為個煉奶搞到好鬼甜，平衡返個芒果甜度。最特別係糯米飯裏面撈左炸扁豆，食落有脆脆。脆既糯米飯，唔黏牙，好趣。
另一款甜品仲趣，特色椰子奶冰凍冰冰。趣既係粉紅色圓粒貌似台灣粉圓既野。外皮煙煙韌韌車厘子味，裏面包住粒又爽又甜既亞熱帶生果，但食完都估唔到係咩生果，可能係梨，可能係蘋果，朋友估係椰子，我就覺得唔係。最後食晒都未知係咩，總之好食。😂
张贴
