城意 (已結業)

最近黃埔開左好多新餐廳，難得呢間係葡國菜，午餐就試下新嘢。午餐有好多選擇，由78到268，我地就揀左一素一肉。素嘅係濃香粟米蜜餞栗子葡國燉飯，同好肉嘅烤濕式熟成豬鞍扒配炸番薯條。個午餐仲有個自助沙律吧，餐湯，同一杯果茶。先講個沙律吧，用料好新鮮，唔係罐頭什果沙律，正喎。湯就正常，唔太甜夠健康而個素飯，幾清新既感覺，幾creamy，加左粟米同碎紅椒，好味；但栗子因為蜜餞左，唔同食開既口感，比較韌，但有好多粒，可能自己食得葡國菜唔多，所以當試新野。。個豬鞍扒就要等２５分鐘，不過等咁耐都值既，首先個賣相已經贏左，網燒紋既豬鞍扒厚切配上大堆炸蕃薯條。扒一切落去，好腍又嫩好多汁，應該係熟成嘅成果，而入口就好夠味，只係少少咸左啲啲。橙色嘅蕃薯條就又熱又脆，正。而配上嘅應該係蘋果燒汁，舊肉點完無咸。呢間餐廳嘅格局似係走專業路線，因爲有好整齊嘅制服，制服上有餐廳名，部分員工仲有個名，見到executive chef 係hung 。餐具嘅風格都一致，湯杯，水杯都八角形，刀叉就宜家出品。兩個午餐，無加一，每人百二蚊有找，性價比超高，值得ENCORE