四季‧悅 日本餐廳 (遠東金融中心) (裝修中)

相信日本放題大家都食好多，好多時食嚟食去都係嗰幾間牌子嘅放題。今次食一間比較少人知道嘅放題，位置仲要係喺金鐘。標題提到佢係一間比較有誠意嘅放題，原因非常之簡單，就係佢上枱嘅食物係仲可以熱辣辣出煙。講到呢度大家都完全明白平時一般嘅放題上枱嘅時候係唔會仲有煙出，就係呢一點你就可以睇到佢嘅誠意。再加上佢嘅食物真係比一般嘅放題做得好食，所以如果有朋友係想試吓其他牌子嘅放題再加上有一個靚景，真係可以不妨嚟試一試。