小泰國

平日夜晚10點去到得我哋一台客，老闆出嚟傾左一陣計，講明所有燒物都係叫完先生燒，就係呢份誠意已經令我哋好期待🤩 雖然等左20-30分鐘係耐啲，但絕對值得！

豬頸肉燒到脆邊好正，又唔會成口油！配埋自製泰式蒜蓉辣汁，送飯勁開胃呀😍
雞扒好嫩滑，雞皮燒到香脆，中間冇夾住層肥油，估唔到$50有成8件，抵食！

雞扒飯

仲試咗兩款串燒，雞腎同埋雞軟骨都好食，香口唔乾唔太咸。
朋友叫嘅菊花蜜味道正常，但直接雪冇冰，加分。

P.S. 朋友第二日再去試左其他嘢，特別一提翠玉瓜爆汁