我哋叫咗個自家制秋葵野菌扒豆腐，啫啫芥蘭煲， 川式口水雞，白飯同楊枝甘露😋
自家制秋葵野菌扒豆腐係一個全素菜式，豆腐一半原色一半綠色，賣相好靚好精緻👏
豆腐外層炸得香脆裡面勁嫰滑！😋
面頭鋪左雜菇同秋葵加啲醬汁，口感豐富得黎又唔會太乾～
啫啫芥蘭煲一開蓋咋咋聲超級香！聽到隔離幾檯客都話好香😂😂😂
食落辣辣地帶啲蝦醬味，非常惹味🤤
芥蘭爽脆亦都無芥蘭本身有既澀味👍
口水雞唔算好辣，有微微花生醬香味，雞皮凍凍地食似啫喱既口感😁 雞肉非常嫩滑😋😋
楊枝甘露幾重椰汁味，好足料👏
啲芒果都好甜👍
限聚令後一定要約埋班朋友黎試其他菜式，啲避風塘都好吸引😍 多啲人可以試多啲款😎😎
