雋太日本料理 (已結業)

之前係團購見到放題連任食生蠔，鍾意食生蠔既我二話不說就買左，滿心期待狂食生蠔！誰不知，一打電話去預約時，當職員聽到我係用團購時，語氣就變得不耐煩......終於去到食果日，一坐低就立即點生蠔啦！點知..........中伏！d生蠔完全唔黐蠔殼！一叉即甩，一睇就知係「組裝蠔」，唔係生鮮生蠔！嘩！完全似超市桶蠔放上蠔殼一樣！乜咁唔生鮮既生蠔都可以俾人食既？我覺得咁做好冇良心，對呢間餐廳既野亦都冇信心！絕對中伏！至於其他刺身，都還可以，算入到口，同有D鮮味。而熱食亦能接受。比較可取既係飲品多選擇，有好多唔同既汽水，我就最愛忌廉梳打汽水。但希望食肆唔好再出「組裝蠔」同埋整返個洗手間。