▲ 熱辣辣好香口，胡椒粉味正呀!
▲ 酸酸甜甜，外脆內軟，份量又多，而且啖啖都係肉，好開胃呀!
▲ 雖然顏色不太鮮，而且比較細隻，但食落又好清甜wor
▲ 有辣有唔辣，食唔到辣ge最唔好叫辣，因為真係勁勁勁勁辣，辣到我食唔到扇貝係咩味...
▲ 又名花心蘿蔔，個底個蘿蔔係心型架，好得意。但上面黑松露就好重，我就唔太喜歡lor
▲ 呢個賣相真係冇得頂，師傅刀功一流呀。中間就有南刀加竹苼，仲有黑松露，係幾特別ge，不過都係果句啦，黑松露味太重，食唔到豆腐味。
▲ 雖然都係細細隻，但肉同汁都唔少，啖啖都咁清甜
▲ 好香蝦醬味，肥瘦適中，又蒸得岩岩好，肉質彈牙，忍唔住都食左好多
▲ 雞肉煎得好溝，而且好多肉，唔會好似有D店比好多骨你咁。而且配合紅棗杞子，鮮甜味出曬黎，果然我都係食肉獸，無肉不歡，哈哈。
▲ 食曬全部蒸野之後，其實都已經好飽，但唔好唔記得仲有個粥底，吸曬所有蒸過食物ge精華，再加上少少蔥花，成個粥都好清，但我略嫌個粥都係唔係好夠味，可能我都係中意老火粥掛。
