古今

营业中

休息中

香港人最鍾意日本嘢， 咁今日我就同朋友做我哋平時最鍾意嘅活動就係食日本嘢， 其實因為我哋食左少少嘢，所以今次食係當食宵夜咁樣。 一入到店舖己經覺得開心因為好耐未食日式料理，咁我哋就叫咗以下:胡麻豆腐沙律: 本人鍾意食豆腐沙律，豆腐亦都有香濃嘅豆味， 細番茄同菜我食得出都幾新鮮所以作為餐前小食都唔錯。 畀大家有好好嘅refresh。雜錦天婦羅:天婦羅有蝦、蕃薯、矮瓜， 我最鍾意嘅就梗係食蝦喇，因為佢個天婦羅蝦，隻蝦都修長且甜，而且佢炸啲脆脆亦都好鬆化， 另外番薯都唔錯因為我食落個蕃薯都幾甜。 鍾意食天婦羅嘅朋友可以試下。金龍卷: 有三文魚、炸蝦同芝士， 咁其實炸蝦同芝士味過味道較為重 ， 要慢慢食先食到三文魚嘅味道。午夜牛郎: 材料有三文魚、牛油果、同芝士， 其實呢一本卷卷都幾特別，因為外面佢有一啲炸咗嘅脆脆包住， 而且入面有啲沙律醬，不過就係因為有沙律醬未必會食到太多三文魚嘅味道，反而牛油果同芝士味就較出。 不過我都幾鍾意。鰻魚串 : 呢個鰻魚串，我覺得都幾好食，因為你會食到鰻魚味，不過佢落嘅鰻魚醬汁都較重味，會適合一啲鍾意食濃味嘅朋友。 而我朋友就好鍾意食。