影片
更多
2018-07-30
1146 浏览
朋友飯聚，想揾特色食物試下，一行四人決定來樸生，是韓國菜，主打素食，所以店名叫做樸生，樸素養生的意思，但也有肉類食物的，所以食物都多元化。店面用了很多藤籃和綠色葉去裝飾，木桌椅也感覺自然樸素。有素食健怡之選，可以任何惠顧加$68,自取一次新鮮沙律、水果和泡菜。令我想起小時候Pizza Hut 有自取沙律盤，每次攞得越多越著數，不過當然要食到咁多先攞，要惜食。我們想試特色食物，所以就不點這個了。自家創作菜式，例如牛蒡凍豆腐、炸腐皮芝士卷等都很有新鮮感，吸引我們下單了呢！還有特飲，竟然有羽衣甘藍雪梨沙冰， 真的是比較講究養生的健康材料呢！就來一杯試試。韓式生牛肉$188, 這個真的是大膽嘗試！大家都未試過生牛肉當沙律食！ 用芝麻醬、 生蛋黃、雪梨拌勻，先說生牛肉口感，估不到入口並非想像中有血腥味，反而似食魚生，食落冇渣又好滑，而且食完覺得好鮮甜醒胃，都幾易入口。秘密就在生蛋黃了！令牛肉增添滑溜質感之餘，並使麻醬的鹹香，和雪梨的甜味附著得更好，把生牛肉變成日式漬物般的涼拌菜式。朋友點了荔枝玫瑰茉莉花冰茶$48, 天氣熱，想飲啲清甜飲品消暑，估唔到真係幾有特色！兩粒荔枝果肉用玻璃小杯另上，玫瑰
店面用了很多藤籃和綠色葉去裝飾，木桌椅也感覺自然樸素。
有素食健怡之選，可以任何惠顧加$68,自取一次新鮮沙律、水果和泡菜。令我想起小時候Pizza Hut 有自取沙律盤，每次攞得越多越著數，不過當然要食到咁多先攞，要惜食。我們想試特色食物，所以就不點這個了。
自家創作菜式，例如牛蒡凍豆腐、炸腐皮芝士卷等都很有新鮮感，吸引我們下單了呢！還有特飲，竟然有羽衣甘藍雪梨沙冰， 真的是比較講究養生的健康材料呢！就來一杯試試。
韓式生牛肉$188, 這個真的是大膽嘗試！大家都未試過生牛肉當沙律食！ 用芝麻醬、 生蛋黃、雪梨拌勻，先說生牛肉口感，估不到入口並非想像中有血腥味，反而似食魚生，食落冇渣又好滑，而且食完覺得好鮮甜醒胃，都幾易入口。秘密就在生蛋黃了！令牛肉增添滑溜質感之餘，並使麻醬的鹹香，和雪梨的甜味附著得更好，把生牛肉變成日式漬物般的涼拌菜式。
朋友點了荔枝玫瑰茉莉花冰茶$48, 天氣熱，想飲啲清甜飲品消暑，估唔到真係幾有特色！兩粒荔枝果肉用玻璃小杯另上，玫瑰茉莉花冰茶就用玻璃小瓶盛著，突然間很有和風，感覺好relax!
味道很不錯！荔枝本來已有清甜味道，加上 茉莉花茶和玫瑰，增添濃郁花香。茶味是淡淡的，喝下去先有茉莉花的茶味，再聞到玫瑰香味，然後就是荔枝的甜味，層次非常鮮明，完全是味覺與嗅覺的享受，非常推介這杯特飲！
我點了羽衣甘藍雪梨沙冰$48試試，因為在其他餐廳很少有。 不說不知，羽衣甘藍有豐富的維他命K,等於食咗一碗菜，是很有益的植物，我也扮養生呢！
沙冰上面放了幾片雪梨，雪梨新鮮，味道清甜，飲一杯特飲，彷彿吃了水果沙律一樣。羽衣甘藍的味道沒有草青味，清甜易入口，充滿著田園氣息，下班後的心情立刻放鬆不少!
素泡菜芝士卷$66, 排成五角形像粒星星，賣相好靚。
裏面有芝士和泡菜，用腐皮卷著炸成，非常香脆。油份不覺得多，隔油功夫做得很好，所以外層脆脆的，口感很特別，芝士咬下去還有少少拉絲，泡菜爽口，微微酸的味道，配軟滑的芝士原來很匹配，是開胃的小食呢！喜歡吃煎炸香口的話可以一試呢！
萵筍牛蒡凍豆腐$88, 見到牛蒡切條炸過，一大堆的放在凍豆腐上，感覺好澎湃呢！ 因為牛蒡才是主角。 要將牛蒡和豆腐壓碎拌勻才吃。 這個冷盤十分推介！因為很少有炸牛蒡的菜式！原來牛蒡炸完像薯片一樣，香脆得來比薯片健康點。底部有泡菜醬和芝麻醬，拌勻之後，味道由淡變濃，輕微酸辣泡菜味，加上有紫菜碎的鹹味和香口，令豆腐生色不少。
主菜點了海鮮香蔥煎餅$98, 用香蔥做煎餅底，粉漿不算厚， 海鮮份量也多，食落味道好淡， 所以一定要點醬汁食，加點鹹味。 未試過食全部蔥做餅底的，原來煎完都幾爽口，不過就是味道淡，吃不出海鮮味，但就好夠飽。
素魚糕湯$64, 不說不知道是素食，因為魚糕用竹籤串起，同韓國食的魚糕沒兩樣，魚糕浸在湯裏，非常入味；湯鮮甜得來有香濃醬油味，但又不會太鹹，裏面仲有蘿蔔，已經 炆到好淋，入晒味，還有海帶呢！這個湯口感豐富，味道好，價錢仲要咁平，超推介！
醬油蟹(原味) $278,加$18配飯和紫菜。 價錢比較貴，但係味道一流，在韓國食過醬油蟹，覺得只有咸味，越食越鹹添；但呢個醬油蟹，醬油味甜中帶微辣， 唔會死鹹，而且蟹肉酸新鮮，冇乜腥味，最緊要拌勻醬油先， 撈飯和紫菜一齊食，超鮮甜！完全唔覺得食緊刺身。 而且隻蟹比起我哋韓國食的細size再大d, 四個人食一人一抓，叫做試過味，都讚好食。
埋單$985, 平均每人$247,特色食物來說，價錢可以接受的。 食物味道令我印象最深刻。生牛肉的食法特別；飲品除咗味道清新，賣相又靚；醬油蟹價錢貴啲，但係味道仲好過在韓國食；素魚糕湯超好味！會再幫襯呢！
张贴
