西貢松記車仔麵

我地７點未夠就去到西貢市中心，由於太大雨啦，我地就係車箱入面等雨細ｄ先起行去食車仔麵，我地２個都好心急，因為【松記】收８點架，我地已經特登早ｄ入黎就係想試下【松記】ｄ車仔麵，點知落大雨阻礙我地既進度。
可能距離佢地打烊既時間仲有幾個字，我地叫咩冇咩，百無囉！（車仔麵最基本要有既配料係無既，好失望！）
豬紅→無
豬皮→無
同埋佢地唔係樣樣餸都有囉，一係叫佢地既招牌麵再另叫餸去配搭，完全失去哂車仔麵既自選餸料既特色。
評語唔多講啦，只係覺得唔駛山長水遠特登入到西貢食車仔麵，老實講求其搵間都好過【松記】。
我：招牌金錢肚麵 $19 +（另加）蘿蔔 $4 + 魚旦 $4
親愛的：招牌豬大腸麵 $19 +（另加）魷魚 $6 + 魚旦 $4
飲品跟餐另加９蚊，我地２個都係飲香艼珍珠奶茶。
埋單７４蚊，價錢都唔平，呢個價錢【車品品】好食好多囉！

招牌金錢肚麵 $19 +（另加）蘿蔔 $4 + 魚旦 $4

招牌豬大腸麵 $19 +（另加）魷魚 $6 + 魚旦 $4

飲品跟餐另加９蚊，香艼珍珠奶茶。

完全唔係港式車仔麵任人配搭。