阿叔泰麵 (西菁街) (已結業)

諗緊夜晚同老婆帶隻小魔怪食咩好，老婆提議之前係網上見到元朗有間新開泰式船河。之前係西環嗰邊食過一間，覺得個湯底好正，所以都想試埋哩間。

牛肉船麵

$58

比一般船麵大碗，老闆話迎合番香港市場，一碗就夠飽。如果正完泰國船麵，我應該要食十幾碗😂😂湯底唔算太重藥材味，牛味比較突出。牛腩亦炆得十分入味，牛丸又夠彈牙，配上粗河粉，吸湯一流，口感亦比一般河粉更爽滑。每碗船麵亦有炸豬皮，炸得非常香口酥脆。

豬肉船麵

$52

豬肉船麵湯底亦係牛骨湯底，不過係配料轉左係豬肉加豬肉丸。相對我較喜歡牛肉船麵。

牛扒沙律

$52

經老闆介紹，加點了牛扒沙律，泰北口味，比傳統泰式沙律還要辣。不過辣很十分過癮，香辣味慢慢係口腔裡滲出黎。牛肉係安格斯牛，十分嫩滑，會越食越上癮。


還會再幫襯嘅小店，亦喜歡老闆們熱情的招呼。