影片
更多
2019-10-03
42 浏览
六點幾時呢度無乜人，見係新餐廳就去試吓！waiter / waitress們都好有禮貎好親切，見我拎住好多嘢就安排咗張大枱俾我，全程笑容滿分，淨係呢樣都俾足滿分佢哋啦~個人一向對炸魷魚圈係抗拒唔到既，叫咗呢個$68都份量唔少既魷魚圈，真係超。好。食！唔單只脆口又惹味，亦完全無油膩感，非常出色！然後叫咗個海皇卷諗住頂吓肚，有唔同既魚生好似三文魚、左口魚同吞拿魚等，唔太大粒一口一啖，好鮮甜喎！呢度主力sell爐端燒，我自己好鐘意食貝類，呢個活貝盛合就啱晒我！用料好新鮮，waitress好好心機咁幫我燒，仲幫我分埋幾好服務呀~而且啲生蠔同帆立貝份量亦好大隻，燒完亦唔會縮水，即係話呢度既係真材實料，推介！再嚟一個五點刺身，吞拿魚、甜蝦、三文魚、油甘魚同海膽，我個人覺得幾款都唔錯，尤其係我最愛既海膽，一啲都無石礕苦味，好高質！呢個明太子燒玉子整得超滑兼勁滋味！鹹鹹哋中又好滑溜，玉子一啲都無煎老，抵讚！生蠔燒完都無縮細，仲係保持肥美狀態，依家睇返相都想再食呀！呢度既飲品都有好多款，呢個柚子啤酒好易入口，女仔好啱飲；另外果杯乳酸就係我既飛佛，夠清新唔太甜，滿意！
個人一向對炸魷魚圈係抗拒唔到既，叫咗呢個$68都份量唔少既魷魚圈，真係超。好。食！唔單只脆口又惹味，亦完全無油膩感，非常出色！
然後叫咗個海皇卷諗住頂吓肚，有唔同既魚生好似三文魚、左口魚同吞拿魚等，唔太大粒一口一啖，好鮮甜喎！
呢度主力sell爐端燒，我自己好鐘意食貝類，呢個活貝盛合就啱晒我！用料好新鮮，waitress好好心機咁幫我燒，仲幫我分埋幾好服務呀~而且啲生蠔同帆立貝份量亦好大隻，燒完亦唔會縮水，即係話呢度既係真材實料，推介！
再嚟一個五點刺身，吞拿魚、甜蝦、三文魚、油甘魚同海膽，我個人覺得幾款都唔錯，尤其係我最愛既海膽，一啲都無石礕苦味，好高質！
呢個明太子燒玉子整得超滑兼勁滋味！鹹鹹哋中又好滑溜，玉子一啲都無煎老，抵讚！
生蠔燒完都無縮細，仲係保持肥美狀態，依家睇返相都想再食呀！
呢度既飲品都有好多款，呢個柚子啤酒好易入口，女仔好啱飲；另外果杯乳酸就係我既飛佛，夠清新唔太甜，滿意！
题外话/补充资料：
服務極佳，坐得舒適，毫無壓迫感！
(以上食记乃用户个人意见 , 并不代表OpenRice之观点。)
张贴
