The Salted Pig (D2 Place) (已結業)

今天是姨甥仔的生曰，5個小朋友加8個大人共13人用餐，因為小朋友食得唔多，我地最初叫左4個午餐set，再加幾款小食，意粉，其間侍應不停叫我地叫飲品，又話落order一次過唔好分幾次，之後又有個女侍應話要最低消費，但book枱時係無講，再講我都未埋單，你憑乜覺得我唔會order，最後小朋友食埋甜品，埋單$17O0幾，如果用佢地最平的set去計，其實我地等於叫左13個set，屬於正常消費，但他們的態度係迫你叫嘢，唔俾人諗，我明白如果多人叫得少你唔高興係正常，但當時你又唔係爆場，我消費已經係相等於每人一個餐，衹係可能你期望我埋3仟，唔係你想要你地就黑面。這樣的餐廳請我都唔會再去。食物好食，服務差，會考慮再去。食物差，服務好，都會考慮再去。食物已經唔吸引，服務仲要咁差，大家自己諗啦!