小草十八怪石鍋米線 (已結業)

一向中食特色食物嘅我 黎呢邊食佢好出名既石鍋米線 好特別架 拎個熱到400度嘅石鍋黎 配料 米線同湯分開 食客可以自己加入去 好好玩 睇住個冇火嘅鍋可以煮滾成煲野真係好神奇😝 除左有特色之外 食落都好有質素 材料好新鮮 份量亦好多 可以揀9款唔同嘅配料 適合有選擇困難症嘅寶寶😏 另外要讚個湯底 一啲都唔hea 亦唔係味精湯 揀左蟹味 真係好鮮甜💕另外試左一個新出嘅石鍋飯 好有趣 佢唔會好似其他餐廳咁熱氣 或者勁多飯焦 所以我好中意🤭然後呢度嘅野飲超級抵！正常飲品嘅價錢 就可以有一杯珍寶size嘅 大大啖飲都飲唔晒😝之後都叫左啲小食 好中意南乳雞翼😋😋 首先雞翼非常大隻 啖啖肉 然後味道都好香好夾 炸得又夠脆喎 perfect ar~~🤪🤪