薯仔屋電影餐廳

营业中

休息中

平時好少聽人講柴灣有咩好野食，今日咁岩經過呢間餐廳，離遠見到個外觀好靚喎。就好似漆黑中既螢火蟲咁，咁鮮明咁出眾😂😂，咁就一於入去試下啦。估唔到佢除左環境靚之外，野食都非常有水準喎。我就叫左個煙三文魚天使麵dinner set，跟餐有蒜蓉包，有沙津，我仲升級左個特飲，黑牛。個煙三文魚天使麵除左賣相靚之外，味道仲非常好呀。聞落去已經好香，食落去既味道岩岩好，加埋tabascco 簡直100分呀，好味到朋友試完少少之後，就不停偷食我既天使麵。朋友就叫左個豬肉眼扒拼薯條，豬扒夠哂入味，咬落唔會太硬。而薯條就熱辣辣，係好味既粗薯條黎，點住茄汁同芥辣食簡直一流呀。而我杯特飲黑牛都好好味，好耐無飲過呢種啦。面頭既朱古力雪糕好香濃，好有誠意，唔係果種唔好味既平價雪糕黎嫁。總結黎講，呢度環境好食物又好，如果經過呢度既真係不妨一試呀。