香港鴻興隆中華菜館 (已結業)

呢間新開嘅川菜館，見到裝修富有中國特色風味，都幾得意。枱上嘅餐牌都設計特別，枱上面仲有透明玻璃入邊放置着唔同嘅佈置。食川菜最鍾意叫麻婆豆腐，麻婆豆腐份量好多，而且豆腐都幾滑，個汁唔會太辣，辣味尚可接受，而且有麻麻哋辣嘅風味。好香。酸菜魚好大盆，入邊亦都有好多魚，魚都幾香，酸菜味好濃，只有小小辣吊味。而且入邊仲有薯粉，連埋啲湯一齊食唔錯。炒肉絲又係份量好多，最啱就撈飯。肉絲味道甜甜地，如果叫咗辣嘅菜式，呢個就可以中和一下。