火鳳凰火鍋料理 (已結業)

呢間餐廳雖然喺旺角東，但係位置比較隱蔽，唔係咁易發現，但係食物質素都唔錯👍🏻👍🏻湯底好多選擇，我哋揀咗蒙古麻辣鴛鴦鍋($108)，好惹味濃味，仲有藥膳嘅味道，唔洗點醬汁都好夠味👍🏻多多芫茜豚肉雲吞($78)勁香芫茜味，啱晒我芫茜愛好者，大大粒好滿足手打四寶丸($48)我哋叫咗細份，蝦丸、墨丸、豬肉丸、牛肉丸各一粒，粒粒都夠爽彈，真材實料蝦兵遇上老油條($48)油炸鬼索晒啲湯底一齊食😋蝦滑好香，加埋面頭嘅蟹籽好得意脆卜卜咁手切美國安格斯雪花牛($198)睇個樣都知新鮮，牛肉味夠濃，就算煮耐少少都唔會韌，推介👍🏻西班牙梅花豚肉片($108)豚肉質素都唔差，份量足夠，油脂分布得多，食落嫩滑有肉香🤤🤤紅紅火火 (魔鬼辣安格斯牛丸) ($46)半份有6粒，超辣🔥🔥我平時食辣都覺得好辣😂😂味道係好食嘅，果然名符其實紅紅火火🤣手工炸跳舞響鈴($88)推介～係自家鮮製嘅響鈴，好長好大條，但係唔洗淥太耐，因為佢係比平時食開嗰啲響鈴薄身同脆身一點，所以淥幾秒就食得👍🏻👍🏻西洋菜($42) 勁大兜，好似成棵盆栽咁，好抵食又新鮮～四川薯粉($42)識食一定最尾加返個粉麵，薯粉煙煙韌韌，索晒啲湯汁一齊食正呀～火