皇軒私房菜 (裝修中)

皇軒私房菜環境唔錯，地方唔大，但打理得好整潔，設有大電視，好似屋企食飯嘅感覺咁，舒適傾下計或者講下電視內容，不錯嘅選擇! 溏心蛋拌胡麻沙律︰好新鮮嘅沙律菜，溏心蛋做得好好，配上芝麻醬，又美味又開胃。花雕醉雞︰花雕好香又唔帶苦澀味，雞肉好伕味，又夠林!麻辣豬手︰好鍾意呢個豬手，廚師好有技巧，處理得好好，一D都唔覺得肥， 個辣都好適中，唔會太辣，而且好香。蜜椒牛柳粒︰好夠火候，牛柳炒得剛剛好，唔會過老，有肉汁又夠鮮嫩，配菜都好新鮮。XO醬鮑魚粒炒飯︰好欣賞，又夠鑊氣，飯香好有鮑魚香，XO醬提升左飯嘅香味。菊花豆腐甜品︰豆腐成很多條狀，賣相似菊花好，好靚，薑湯清甜，少少辣，又靚又好食。