影片
更多
2021-09-08
329 浏览
近年茹素又或是閒時來個 Green Monday 已成為大趨勢，各式各樣的素食店亦應運而生。舊年喺堅尼地城幫襯過一間西式素食 Café，店舖無論喺食材嘅配搭、菜式的造型，以至烹調方法都好有創意，令人耳目一新。最近瀏覽網頁，得知餐廳喺大角咀開咗間新分店，心動不如行動，即刻約朋友來個有「營」星期三。新店繼續走小清新路綫，白色門面，再配以一室淺木色餐桌，環境清新舒服，予人恬靜悠閒的感覺。。剛才進店前已細閱餐牌，食物分門別類，有沙律、前菜、意粉及意大利飯、漢堡及農夫包，另外亦有一系列特飲等供應。先嚟一客小食豆腐小英雄，外形圓碌碌，每粒都炸至金黃香脆，入口豆味突出，配上面頭嘅松露醬，滋味倍增。墊底的紫椰菜絲食味亦不俗，咬下酸甜清新，解膩又開胃。主菜點咗夏威夷素雞扒漢堡 同 素咖哩海鮮炒意粉。漢堡包賣相很吸引，入面除了夾有生菜和蕃茄外，仲有素雞扒同厚切菠蘿，咬下既有肉嘅滿足感，但又完全無罪惡感！伴吃的薯條味道亦唔錯，炸得好脆口，充滿薯仔香。至於另一客素咖喱海鮮炒意粉，亦做得好有水準，意粉用料十足，內有素蝦、素魷魚、三色椒、蕃茄和菠蘿等。素蝦同素魷魚驟眼看，無論味道和質感都與「真身」不遑多讓，真的幾
舊年喺堅尼地城幫襯過一間西式素食 Café，店舖無論喺食材嘅配搭、菜式的造型，以至烹調方法都好有創意，令人耳目一新。
最近瀏覽網頁，得知餐廳喺大角咀開咗間新分店，心動不如行動，即刻約朋友來個有「營」星期三。
新店繼續走小清新路綫，白色門面，再配以一室淺木色餐桌，環境清新舒服，予人恬靜悠閒的感覺。。
剛才進店前已細閱餐牌，食物分門別類，有沙律、前菜、意粉及意大利飯、漢堡及農夫包，另外亦有一系列特飲等供應。
先嚟一客小食豆腐小英雄，外形圓碌碌，每粒都炸至金黃香脆，入口豆味突出，配上面頭嘅松露醬，滋味倍增。墊底的紫椰菜絲食味亦不俗，咬下酸甜清新，解膩又開胃。
主菜點咗夏威夷素雞扒漢堡 同 素咖哩海鮮炒意粉。漢堡包賣相很吸引，入面除了夾有生菜和蕃茄外，仲有素雞扒同厚切菠蘿，咬下既有肉嘅滿足感，但又完全無罪惡感！伴吃的薯條味道亦唔錯，炸得好脆口，充滿薯仔香。
至於另一客素咖喱海鮮炒意粉，亦做得好有水準，意粉用料十足，內有素蝦、素魷魚、三色椒、蕃茄和菠蘿等。素蝦同素魷魚驟眼看，無論味道和質感都與「真身」不遑多讓，真的幾可亂真。意粉炒得好香口，質感煙韌，掛汁力高。
飲品點咗荔枝青檸梳打 同 自家製水果茶，青檸梳打加入了荔枝和青檸，味道酸甜醒胃，絕對係清新之選。自家製水果茶用料亦十分慷慨，內有蘋果、菠蘿、荔枝、香橙等，入口果香豐盈，用嚟消暑解渴一流！
张贴
