影片
更多
2018-11-12
584 浏览
開左幾個月既韓式餐廳，同另一半行去觀塘海濱既時間經過有嬸嬸派傳單就接過睇下，覺得價錢相宜就上去試下。餐廳環境位於「中海日升中心」，其實地理唔算太顯眼，但係可以話由如果你想由APM方向行去觀塘海濱既話，呢條路都會經過，就會發現呢個中心都有好幾間野餐廳，呢間韓國餐廳就係其中一間。一上扶身電梯轉個彎就會見到呢間餐廳，以小店黎講都唔算太細，都有十幾張枱，而且晚飯時間仲好旺，要等位。餐牌睇黎餐廳係主打食任食炸雞，$138位可以任食炸雞同幾款小食，係幾吸引，不過呢排都成日食炸雞，今日就唔食炸雞放題，試下佢其他野食。免費小菜有芽菜、薯仔同泡菜，仲係每人一碟，薯仔仲啲蓉，醃得幾入味。韓式炸年榚(甜辣汁/柚子蜜糖汁) $55好大兜！上枱嚇一嚇，我諗都有成30條，可能唔止添，份量夠哂多！不過有啲令人失望，其實都炸得都幾煙韌，不過柚子蜜糖汁係飲果啲柚子蜜，似係炸完之後再拔啲柚子蜜落去撈，誠意不太夠，我諗點返炒年糕會好啲。韓式雞蛋卷 $78好耐冇食過韓式雞蛋卷，Size正常，雞蛋唔會過老，味道稍微淡左啲，可以加多啲芝士同埋鹽調味。鐵板春川辣炒雞 $138我最愛既韓國食物之一，不過餐廳冇用鐵板上，而且冇收水
餐廳環境
位於「中海日升中心」，其實地理唔算太顯眼，但係可以話由如果你想由APM方向行去觀塘海濱既話，呢條路都會經過，就會發現呢個中心都有好幾間野餐廳，呢間韓國餐廳就係其中一間。一上扶身電梯轉個彎就會見到呢間餐廳，以小店黎講都唔算太細，都有十幾張枱，而且晚飯時間仲好旺，要等位。
餐牌
睇黎餐廳係主打食任食炸雞，$138位可以任食炸雞同幾款小食，係幾吸引，不過呢排都成日食炸雞，今日就唔食炸雞放題，試下佢其他野食。
免費小菜
有芽菜、薯仔同泡菜，仲係每人一碟，薯仔仲啲蓉，醃得幾入味。
韓式炸年榚(甜辣汁/柚子蜜糖汁) $55
好大兜！上枱嚇一嚇，我諗都有成30條，可能唔止添，份量夠哂多！不過有啲令人失望，其實都炸得都幾煙韌，不過柚子蜜糖汁係飲果啲柚子蜜，似係炸完之後再拔啲柚子蜜落去撈，誠意不太夠，我諗點返炒年糕會好啲。
韓式雞蛋卷 $78
好耐冇食過韓式雞蛋卷，Size正常，雞蛋唔會過老，味道稍微淡左啲，可以加多啲芝士同埋鹽調味。
鐵板春川辣炒雞 $138
我最愛既韓國食物之一，不過餐廳冇用鐵板上，而且冇收水，唔係平時食既稠身質地，辣醬都係韓式果隻酸酸甜甜，肉質正常，能夠做到稠身醬汁同用鐵板上會更好。
韓式烤肉(牛/豬/雞)配生菜 $98
同樣地都好耐冇食過韓式烤肉，揀左豬肉，係五花肉，但上枱見到比較水同埋乾身，只係略略烤過，冇烤到脆邊，唔夠香口，口味都係比較淡。不過生菜份量夠，可以自己DIY包啲咩落去，我就包埋泡菜同將五花肉沾上辣炒雞既醬汁再一齊食，味道會夠啲。
另外都叫左一枝燒酒同一枝啤酒，同另一半自製「深水炸彈．，入鄉隨俗一下
整體而言，餐廳既食物質量有待改善，不過價錢都算商議，同埋睇得出小店有心經營，希望繼續加油。
张贴
